Bertsos - Ver ficha Más información sobre esta sección
2008-01-19 Zeanuri Jaialdia [Bertsoa] / Amets Arzallus, Andoni Egaña, Eñaut Intxaurraga, Unai Iturriaga, Maialen Lujanbio, Jon Maia
| Bertsoa entzun |
2008-01-19 Zeanuri Jaialdia [Bertsoa] / Amets Arzallus, Andoni Egaña, Eñaut Intxaurraga, Unai Iturriaga, Maialen Lujanbio, Jon Maia
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
U. Iturriaga: Ai zenbat urte daroakuzen
audientzia baten mende!
Euskaldunentzat egiten dira
froga, epaiketa ta lege.
Nahiz ta hamendik guri iruditu
holako barbaridade
ez da bakarra izan kasua
eta ezta azkena be.
E. Intxaurraga: Hainbeste jente borrokan dabil
Euskal Herriaren alde
ta horregatik ez dira euren
askatasunaren jabe.
Hainbat pertsona ipini dabez
epaile zorrotzen pare...
Laster arnasa hartzea ere
galazi egingo dabe!
A. Egaña: Mezu horixe igorri dute
zuzenki edo zeharka
lehenago estu zegon kontuai
goitik behera berriz kalka.
Ideiak eta sentimentuak
kondenapean. Ze marka!
Hori zigortzen hasi ezkero
honek amairik ez dauka.
A. Arzallus: Makroak dira sumarioa ta
injustizi españarra
ta makroa da auzitegiek
hartua duten indarra.
Makro ez al da hitz puztu hustu
eskasa eta zatarra?
Ta horrek berak erakusten du
marko berrian beharra.
J. Maia: Zentzu gabeko makro epaiketak
edo tortura krudela.
Txarrena dugu edozertara
ohitu egiten garela
eta jendeak jarraitzen dula
ezer ez balitz bezela
pentsatu gabe hurrena igual
norbera izango dela.
M. Lujanbio: Makro epaitegi ulertezin bat
burutzen hainbeste urte.
Gero alderdien ilegaltzea
ideia batzuen truke.
Espaini aldeko araudiak du
oinarria oker nik uste:
injustizia juxtu ez baina
legezko bihurtu dute.