Bertsos - Ver ficha Más información sobre esta sección
2010-06-05 Mutriku Sariketa [Bertsoa] / Ane Labaka Mayoz, Ander Lizarralde Lizarralde
2010-06-05 Mutriku Sariketa [Bertsoa] / Ane Labaka Mayoz, Ander Lizarralde Lizarralde
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
A. Labaka:
Harrituta nengoen
albotik begira
ta nere ondoko hau
gustora ari da
oraintxe legatz hori
sartu aterkira
Ander bisigu on bat
har zazu sikira! (bis)
A. Lizarralde:
Baina aterkian ez zait
gehiago kabitzen
ta zail da urrutitik
honaino hurbiltzen.
Gazte garaian ia
itsu egon nintzen
ta antxua ta legatzik
ez dut desberdintzen. (bis)
A. Labaka:
Askotan egin ote
dezu zuk berdina?
Ez baitezu eraman
pagatu adina.
Ez dezula bereizten
hoien imajina
orduan zu zaitugu
bisigu haundina. (bis)
A. Lizarralde:
Bisiguak sarritan
harrapatzen ditut
parranda girun behintzat
joaten dira batzuk.
Mingaina’re txuluan
izan ezkero zuk
burua ta hezurrak
emango dizkizut. (bis)
A. Labaka:
Nik ez nuke egin nahi
gauza hoien jabe.
Plan bat badaukat eta
ez nabil hain grabe:
saltzaileari dena
kontatu bazpa’re
horrela ni joango naiz
bat’e pagau gabe. (bis)
A. Lizarralde:
Zu’re nere moduan
oso lista zera
ta iristen bagera
akordu batera
nik gonbituko dizut
arraian platera
probatzera etorri
pare bat astera. (bis)