1998-01-24 Donostia Jaialdia [Bertsoa] / Sebastian Lizaso, Maialen Lujanbio, Iñaki Murua

Gaur egungo mundu teknikak erabat harrapatu honetan, jende asko bizi da etxean oso gutxitan egoteko modua izaten duena; eta etxean ez dagoela, aparato bat erabiltzen du lagunei eta deiei erantzuteko: erantzungailu automatikoa. Hauek erantzungailu automatikoak izango ditugu. Erantzungailuaren behar handia duen bat Paula Jones izeneko neskatxa da, EEBBetako presidenteari, Clintoni, eraso sexualagatik denuntzia jarri diona. Has dadila martxan erantzungailu automatikoa.

Gaiari oharrak

Beste bi pertsonaien erantzungailu lanak egiten ere jarri zituen Joserrak.

Descripción

Melodia

Andre Madalen andre Madalen

Nombre de la estrofa

Zortziko handia (hg) / Lau puntuko handia (ip)

Localización

Localización: XDZ - Xenpelar Dokumentazio Zentroa
Colección / Fondo / Proyecto: Bapatean Bilduma

1998-01-24 Donostia Jaialdia [Bertsoa] / Sebastian Lizaso, Maialen Lujanbio, Iñaki Murua

Nombre de la estrofa: Zortziko handia (hg) / Lau puntuko handia (ip)
Localización: XDZ - Xenpelar Dokumentazio Zentroa

Lujanbio:
Lehenago ere ibili nintzen
zenbaitekin sexu usaiz;
momentu hontan ez nago etxean,
deitu dezu oso garaiz;
baina enkargu bat uzteak ez du
sekula ere egiten gaitz,
hurrengorako zein engainatu
erabakitzen ari naiz.

Murua:
Bill Clinton jauna larri ta estu
azken boladako haizez,
edo bestela esan dezagun
behar ez zuen serbitzez.
Bost-sei urteko beherakoa
opa dizut lehen hitzez,
eta mezu hau zuri uzten dizu
Hillaryk bihotz-bihotzez.

S.Lizaso:
Lehendakaria beti izan da
dotore eta lerdena;
nere senarra ez izatea
horrekin dadukat pena!
Andrezko bat naiz bere inbiriz
sarritan bizi naizena,
jakin nahi nuen nun egiten zun
etxean ezin duena.

BDB Bertsolaritzaren datu-basea

Bertsos - Ver ficha Más información sobre esta sección