BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Bertsolari Txapelketa Nagusia (13. 2001)

Actuación

2001-10-27 Legazpi Txapelketa

Gai-emailea

Jauregi, Saroi

Bertsolaris / Autores

Elustondo, Nerea

Ejercicio

Bakarka gaia-emanda kartzelako-lana

Tema propuesto

Egunero entzuten ditugu gerra albisteak. Oraingoan gainera gerra humanitarioa omen da. Misilak eta janaria botatzen dituzte Afganistanen. Hiru bertso nahi duzun neurri eta doinuan.

Descripción

Nombre de la estrofa

Hamarreko handia (hg) / Bost puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2001-10-27 Legazpi Txapelketa [Bertsoa] / Nerea Elustondo

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

Denok dakigu Afganistanen
badabiltzala guduan,
horrelakoak sarri gertatu
ohi direlako munduan.
Yanki aluek zer ote dute
oraintxe euren buruan?
Janari poltsak jartzen dituzte
misil batzun inguruan;
hilobiratu nahi al dituzte
faraoi batzun moduan? (bis)

Gorputz pila bat erortzen dira
zeruetatik barrena;
errugabeak hiltzen dituzte
eta hori da txarrena.
Nork eman die halako zerbait
egin dezaten baimena?
Bonba bat dira misilak eta
bestea hipokritena,
eta ez dakit bietatikan
zein degun hilgarriena. (bis)

Gerra zikin bat dela tarteko
nor ez ote da gogaitu?
Telebistatik eginagatik
horiei hainbeste aipu,
gertatu dena ikusi eta
ezin gaitezke lasaitu;
begia begi truk saldu dugu,
baina ez da hor amaitu,
hainbeste begi truka beharrak
denok itsutu baikaitu. (bis)