Bertsos - Ver ficha   Más información sobre esta sección

2001-11-03 Lesaka Txapelketa [Bertsoa] / Aitor Mendiluze, Xabier Silveira

Bertsoa entzun  

Información general

Kategoria
Bat-batekoa
Actuación Periódica (Saioarena)
Bertsolari Txapelketa Nagusia (13. 2001)
Actuación
2001-11-03 Lesaka Txapelketa
Gai-emailea
Taberna, Mikel
Bertsolaris / Autores
Mendiluze, Aitor
Silveira, Xabier
Ejercicio
Binaka gaia-emanda
Tema propuesto
Aitor semea eta Xabier aita zarete. Teorian biok ados zaudete gauzak hitz eginez eta elkarrizketaren bidez konpontzen direla. Kontua da hilabete badaramazuela elkarrekin mintzatu gabe, zuk Aitor, porrua erretzen duzula Xabierrek jakin duenetik.

Descripción

Nombre de la estrofa
Hamarreko txikia (hg) / Bost puntuko txikia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Txapelketetako Bilduma

2001-11-03 Lesaka Txapelketa [Bertsoa] / Aitor Mendiluze, Xabier Silveira

Nombre de la estrofa:  Hamarreko txikia (hg) / Bost puntuko txikia (ip) 
Localización:  XDZ - Xenpelar Dokumentazio Zentroa 


Mendiluze:
Lehenago elkarrizketan
jardunak jo ta su,
aspaldi mutututa
gabiltza ni ta zu.
Hitz egin behar dela
maiz esan didazu;
teoria berezi
xamarra da, aizu;
zeuk erakutsi eta
zeuri ahaztu zaizu.

Silveira:
Beti zilegia da
solasaren lana,
baina zurea zabaldu
da herrian barna;
eta zuk ere uler
zenezake dana,
pentsatuko bazenu,
semetxo laztana,
batzokira sartzean
sufritzen dudana.

Mendiluze:
Erantzun hau hartzerik
nik ez nuen uste,
ematen dizkizudan
arrazoien truke.
Batzokira patxadaz
heldu nahi zenuke;
aita, gauza bat behintzat
jakin nahiko nuke:
besteen hitzek gehio
balio al dute?

Silveira:
Balio ez, baina bai
sortzen dute minik,
ozpindutako hitzek
badute saminik.
Ni ulertzeko badut
modu bat oraindik:
zure oniritzia
izango al dut nik,
kalera joaten banaiz
kresta bat eginik?

Mendiluze:
Itxuraldatzen behar
badezu aritu,
nere kejarik ezin
liteke aditu.
Baina porruarena
ez degu amaitu,
nonbait zeuregan bildur
asko sortzen baitu;
ezagutzen ez denak
beldurtzen al zaitu?

Silveira:
Eztabaidarena da
egizko baratza,
arrazoia han bertan
ereitean datza.
Zertan areagotu
haserreen dantza?
Gaurkoan moldatzea
ez al da erraza?
Egin porro bat eta
kalada bat pasa.