BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Bertsolari Txapelketa Nagusia (13. 2001)

Actuación

2001-10-21 Donibane Garazi Txapelketa

Gai-emailea

Taberna, Mikel

Bertsolaris / Autores

Goikoetxea, Arkaitz

Paia, Fredi

Ejercicio

Binaka gaia-emanda

Tema propuesto

Zu, Arkaitz, futboleko epailea zara, eta Fredi milioi pila baten truke ekarri duten futbolari izarra, partidu guztian zehar zirikatzen eta protestaka aritu zaizuna. Azkenean, kanpora botatzea erabaki duzu. Launa bertso, zortziko txikian, Arkaitz Goikoetxea hasita.

Descripción

Melodia

Kantatzera nijoa

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2001-10-21 Donibane Garazi Txapelketa [Bertsoa] / Arkaitz Goikoetxea, Fredi Paia

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

A. Goikoetxea:
Aizu, juango zera
bide laburrean,
harrotasuna badut
naizen apurrean.
Nahiz ta izar ugari
eduki hurrean,
nik jarriko dizkizut
bi hankak lurrean! (bis)

F. Paya:
Gaur hanka sartu duzu
epaile, agian;
banoa dutxatzera
era nabarian,
baina hortxe daudenak
gradaren erdian,
hanka jarriko dute
zure aurpegian. (bis)

A. Goikoetxea:
Hori horrela denik
ez zait iruditzen,
epailea ez baita
hain gaizki aritzen.
Nahiz ta ohitua zauden
diru asko biltzen,
futbol zelaian ez du
diruak agintzen. (bis)

F. Paya:
Aztoratuta nabil
epaile hauekin;
protestaka hasi naiz
partiduan arin;
kanporatzea nahi nun,
behar duzu jakin,
milioi piloa jaso
ta lanik ez egin. (bis)

A. Goikoetxea:
Gozatu behar duzu
aldagela ertza,
zapuztuko baitizut
daukazun ametsa;
etorkizuna duzu,
ez zazula pentsa,
nere elastikoa
dagon bezain beltza. (bis)

F. Paya:
Ai, gure epailea,
pertsona haundia,
esaldi bat badago
oso nabaria,
publikotik entzuten
duzun esaldia:
gaur zu beltzez ta bihar
zure familia. (bis)

A. Goikoetxea:
Horrela mehatxua
zuk bota didazu;
pausoa aurrera ez
atzera emazu;
zuk lepotikan gora,
eman zazu kasu,
baloiak baino haize
gehiago daukazu! (bis)

F. Paya:
Epaileak daukana
da frustazioa,
agintari izateko
bere ilusioa.
Nahiz epaiketan sartu
kontra akzioa,
lasai, irabazi dut
jubilazioa. (bis)