Bertsos - Ver ficha Más información sobre esta sección
1989-12-17 Donostia Txapelketa 17:00 [Bertsoa] / Xabier "Euzkitze"
| Bertsoa entzun |
1989-12-17 Donostia Txapelketa 17:00 [Bertsoa] / Xabier "Euzkitze"
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Hainbat urtetan probatua dut
itsasoaren morrontza,
sarri gozatuz, sarri sufrituz
bere bero eta hotza,
baina lehen gazte nuen gorputza
ohean erdi hilotza,
behintzat eskerrak entzun nezaken
hainbat olaturen hotsa,
hala ez balitz nik honezkero
geldirik nuke bihotza. (bis)
Hainbat barkutan egin izan dut
hara ta honako jira,
denak batuta emango nion
mundu osoari bira,
nere alaba, nere ondoan
erdi negarrez ari da,
neska mesedez hainbeste malko
hemen ez zazula tira,
altxa nazazu ea hiltzen naizen
itsasoari begira. (bis)
Oso gazterik eman nuen nik
itsasorako pausoa,
aitortzen dut ez dudala izan
bizimodu erosoa,
zuri begira naiz zorionez
neure alabak jasoa,
nahiz nik hainbeste sufritu mila
esker zuri itsasoa,
ni ezer ez naiz, zu izan zera
nere bizitza osoa. (bis)