Bertsos - Ver ficha   Más información sobre esta sección

1989-11-26 Azpeitia Txapelketa 17:00 [Bertsoa] / Jon Enbeita, Xabier "Euzkitze"

Información general

Kategoria
Bat-batekoa
Actuación Periódica (Saioarena)
Bertsolari Txapelketa Nagusia (10. 1989)
Actuación
1989-11-26 Azpeitia Txapelketa 17:00
Gai-emailea
Azkune, Laxaro
Bertsolaris / Autores
Enbeita, Jon
Xabier "Euzkitze"
Ejercicio
Binaka gaia-emanda
Tema propuesto
Ez dituzue zuek ere jokaera oso berdinak. Jon Enbeitak, penak ahazteko lagun artean aurkitzen du bere babesa, Euzkitzek bakardadean.

Descripción

Melodia
Aita izena kanta beharrak
Nombre de la estrofa
Hamarreko handia (hg) / Bost puntuko handia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Txapelketetako Bilduma

1989-11-26 Azpeitia Txapelketa 17:00 [Bertsoa] / Jon Enbeita, Xabier "Euzkitze"

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 


Enbeita
Sortu danetik gizona beti
dugu zorion egarri,
baina bizitzak sarri askotan
penatan gaitu ezarri,
geuk poza nahita atsekabeak
destino latzak ekarri,
ondasunetik pobreak edo
osasunetik elbarri,
bizitza askoz errezago da
lagundurikan elkarri. (bis)
Euzkitze
Beti freskoa eta bizia
ez da izaten lorea,
nere bizitza ere ez da hain
eder eta dotorea,
banaiz neskatxa on baten lagun,
kuadrila baten jabea,
baina multzoa maiz ikusten dut
berotasunik gabea,
nere tristurak kontsolatzeko
hobe da bakardadea. (bis)
Enbeita
Beti ez zaigu gauza gozotan
betetzen gure karroza,
eta bizitza bat eta bestek
elkarturik behar osa,
bakardadea ez da laguna
betirako aproposa,
behar bai dugu guk nori eman
atsekabe edo poza,
dena alkartuz pasa dezagun
zoriona ere goza. (bis)
Euzkitze
Egia esan gozamen asko
ez zait egokitu aurten,
lehen ez nun babes haundirik eta
orain haiek ere eten,
gizatasuna ez al da galdu
lehiaketa itxu baten?
Ni bestengana ez joan arren
lagundu diezadaten,
gero lanikan ez det izango
haiei eskerrak ematen. (bis)
Enbeita
Hartu ezean ez daukazula
eskerrak eman beharrik,
bihotz horretan ez dut ikusten
nik benetako indarrik,
gure zeruan sortuko bada
esperantzaren izarrik,
bide hortatik ez dago onik
eta sobra zoritxarrik,
herririk ere ezin da egin
jokatuz denok bakarrik. (bis)
Euzkitze
Baina gehienak ez ote gera
egoismo askokoak,
batzu(e)i lagunak laguntzen die
beste batzuei Jainkoak,
nik ikutu ez ditezken gauzak
ez ditut hain gustokoak,
neri laguntzen ez da lan asko
izango lagun hurkoak,
neure masailak ito bitzate
nere begien malkoak. (bis)