Bertsos - Ver ficha Más información sobre esta sección
1980-01-06 Donostia Txapelketa 17:00 [Bertsoa] / Jon Enbeita, Jose Luis Gorrotxategi
| Bertsoa entzun |
1980-01-06 Donostia Txapelketa 17:00 [Bertsoa] / Jon Enbeita, Jose Luis Gorrotxategi
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
Gorrotxategi:
Aizu, entzule maite,
artu zazu nota,
ortako nago-ta:
egitan natorkizu
eta ez gorrota;
beti Euskalerria
ezin leike lo-ta,
aspalditxotik dago
gaitz txar batek jota,
nik konponduko det au,
zuk botoa bota.
Enbeita:
Prejuizio denak
bear dira itxi,
muñera iritxi,
ez dira errian-ta
orrenbeste bitxi;
esaten dezu asko,
nai dozuz jaretxi,
baiña egoera ontaz
au nere eritxi:
lider larregi eta
lanerako gitxi.
Gorrotxategi:
Egia da gaur lider
geiegi dagona,
bada askon sona,
ni're bestei entzuten
sarritan egona;
ta aspertu liteke
aurrian dagona,
baño gauza bakana
izate'a gauz ona,
nik itz asko ez det baño
itzeko gizona.
Enbeita:
Politikan oraindik
gabiltza elbarri,
ta zantzo-egarri;
gauzak bere lekuan
ditzagun ezarri;
astindu nai ditue
mendi eta arri,
eskua eman bear
diogu elkarri,
nai bada askatasuna
errira ekarri.