Bertsos - Ver ficha Más información sobre esta sección
1980-01-06 Donostia Txapelketa 17:00 [Bertsoa] / Txomin Garmendia
| Bertsoa entzun |
1980-01-06 Donostia Txapelketa 17:00 [Bertsoa] / Txomin Garmendia
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Nere barrengo pentsamentuak
nai ditut adierazita,
aurrekaldean jatortasunez
ainbat jende ikusita;
oraindikan e gure Euskadi
ez dago ain itxusi-ta,
Balda ontara ainbeste jende
egin dezute bixita,
ogiarekin bakarrik gizona
emen ez baita bizi-ta.
Egia da, bai, ogia ere
bearrezkoa degula,
ta gaurko egunez ogian palta
izugarri daukagula;
bañan ainbat euskaldun biltzea
ezpaita auntzan eztula,
iruditzen zait jaialdi onek
iñun parerik ez dula,
Euskalerriko jabetasuna
barrenean daukagula.
Bazekizuten gu giñadela
onuntza etortzekoak,
da bertso berri batzuk zirala
koIpetikan sortzekoak;
gauza geiegi daduzkagu bai
oraindik zuzentzekoak,
billera geio, bear lukete
gaurkoaren antzekoak,
guk gerea maite dezagun,
or konpon gañontzekoak.