Bertsos - Ver ficha Más información sobre esta sección
1980-01-06 Donostia Txapelketa 17:00 [Bertsoa] / Jon Enbeita, Patxi Etxeberria
| Bertsoa entzun |
1980-01-06 Donostia Txapelketa 17:00 [Bertsoa] / Jon Enbeita, Patxi Etxeberria
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
Enbeita:
Au gauza sakona da
eta ez azala,
mundu guztiak garbi
aditu dezala:
saltzeko gaude biok
piztiak bezala,
euskaldun sendi batek
erosi nazala.
Etxeberria:
Aitzenen gertatu da
saltzera juatia,
gure gizatasuna
ain da arlotia;
ez nuke nai luzaro
salgai egotia,
eta etorri bedi
zein dan tratantia.
Enbeita:
Auek dira gizonak
egindako gaitzak,
espiritua jan du
aunditasun-zitzak;
alperrik propaganda,
diskurso ta itzak,
animarik ez al du
pobreen bizitzak?
Etxeberria:
Agertuko zaizkigu
zenek eramanak,
tratuan konpondutzen
izango'ira lanak;
Euskadi serbitzeko
egin ginun amak,
suerte ederra dauka
artzen gaituanak.
Enbeita:
Jaiotzatikan ditut
zigor eta kate,
neretzako itxia
askatasun-ate;
eramaten banabe
emendik aparte,
enaz lertuko berriz
bertora eldu arte.
Etxeberria:
Saltzen jartzea etzan
nere maitasuna,
aldaera onek dit nei
birez laztasuna;
bañan oroitu zaitez,
erosten nazuna,
Euskadi serbitzeko
sortu nitzaizuna.