BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (7. 2003)

Actuación

2003-12-14 Irun Txapelketa

Gai-emailea

Jauregi, Saroi

Bertsolaris / Autores

Mendiluze, Aitor

Ejercicio

Bakarka gaia-emanda kartzelako-lana

Tema propuesto

Ospitaleko itxarongelan zaude, sendagilea noiz etorriko zain. Hiru bertso nahi duzun neurri eta doinuan.

Descripción

Melodia

Txikitatikan edukia dut

Nombre de la estrofa

Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2003-12-14 Irun Txapelketa [Bertsoa] / Aitor Mendiluze

Nombre de la estrofa:  Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Localización:  XDZ - Xenpelar Dokumentazio Zentroa 

---

Etxe aurrean sirena hotsa
oihu eta zalaparta
"Badijoala, badijoala!
Benga aitona aguanta!"
Sartu dute ta zai egon behar
hauxe degu gero marka!
Bildurrez sartu gera-ta
orain notiziak falta.
Bildurrez geunden eta bildurrik
ezin burutik aparta
batzutan zeinen mingarria den
erlojuaren tik-taka! (bis)

Horrelakotan ezin da egon
ez patxaran ta ez alai
hankak geldirik utzita ere
buruak martxan baitarrai.
Gure aitona non ote dago?
Zer gertatu ote da? Ai!
Inor ezin egon lasai
ta denak txarrenaren zai.
Mediku batzuk pasatzen dira
baina pasa bakarrik bai
inork ezin du ezer kontatu
ala ez du kontatu nahi. (bis)

Gure aitonak bizitza luze
ederra zuen helburu
beteak ditu larogeita bi
ta nahi ditu ehun inguru
baina minbizi alu horrekin
inor ez dago seguru.
Ezin al gaitu hartu gu?
Bera zergatik hartu du?
Mediku bat hor inguratzen da
triste, aurpegi ta buru
"Bale, ez esan, konturatu naiz
agur esan behar dugu!" (bis)