Bertsos - Ver ficha Más información sobre esta sección
2003-12-14 Irun Txapelketa [Bertsoa] / Jon Martin
2003-12-14 Irun Txapelketa [Bertsoa] / Jon Martin
Nombre de la estrofa:
Hamaseikoa, handiaren moldekoa, 9 puntuz (hg) / Bederatzi puntukoa, handiaren moldekoa (ip)
Localización:
XDZ - Xenpelar Dokumentazio Zentroa
Bertsolaritzan aurrekaldera
emanak ditut bi pauso
jakin badakit dagoeneko
ez dagoela horren lauso:
bihartik aurrera plaza ugari
egingo ditut akaso
bihurtuko naiz asko bezela
oholtza gaineko pailazo
ta niri buruz hitz eiten baietz
hainbat andre eta atso!
Lehenago zenbat arazo
lehenago zenbat frakaso...
Nahiz ta bihartik aurrera plazan
jarduteko hainbat dei jaso
gaur bertsolari nauzue baina
bertsolari nintzen atzo.
Nere igande arratsetako
hutsune asko akabo!
Maia, Irazu ta Maialenek
nekin batera bi trago
baietz hartu ta plazetan ere
baietz ibili oparo!
Ez naiz izango bertsolari hain
gazteak bezain naufrago
gaurtik aurrera etorkizuna
askoz argiago dago
nahiz ta sentitu arraro
hainbat kamaran esklabo
nahiz entrenatzen hilabetetan
jarduna naizen luzaro
susmoa daukat jaso dudala
merezi baino gehiago.
Gurru ta Ekaitz atzean daude
badute hainbat bertute
Amaia ere eramatea
noski ez litzake kalte.
Gaurkoan ere entzule artean
ez zaigu faltako bat'e
baina tamalez txapelketetan
suerte txarra daukate
eta ez dira jardun ni bezain
gogotsu, ondo ta fuerte
bertsolaritzat naukate
ta hala izan nahi nuke
gaurtik aurrera nahiz plaza asko
egitea dudan uste
bertsolari hain gazteak ere
plazak merezi dituzte.