Bertsos - Ver ficha Más información sobre esta sección
2007-11-17 Eskoriatza Txapelketa [Bertsoa] / Unai Agirre Goia, Jexux Mari Irazu Muñoa
2007-11-17 Eskoriatza Txapelketa [Bertsoa] / Unai Agirre Goia, Jexux Mari Irazu Muñoa
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
U. Agirre: Dantza kontuan ez degu izan
biok nahiko kategori;
nonahi hasi ta bukatzen gendun
hankako behatzak lodi?
Hala badio hala nahiko du
ta iruditzen zait ongi
baina oso ondo ez det ulertzen
nundikan duen sen hori. (bis)
J.M. Irazu: Aitarengandik datorkiola
lehenbailehen esan beharko.
Kilometroak ta dantza biak
hartu nahi ditut aintzako;
nahiz ta alaban proposamena
nik jotzen dudan ontzako
baleta dantza finegia da
mundu zatar honentzako. (bis)
U. Agirre: Baina ilusioz gainezka dago
oraindikan da gaztia
ta komeni da bere sokari
aurrera joaten uztia;
hain urrutira joanda nahi luke
gauzak ikasten hastia;
posible ez al da lehen pausoak
gertuago ikastia? (bis)
J.M. Irazu: Neronek ere pentsatzen det bai
Bilbo aldera bidali;
ez, Bartzelonan nahi zuen berak
edo ametsa itzali;
gure soldata matrikula latz
batentzako erabili
ta igual geronek beharko degu
hanka puntetan ibili. (bis)
U. Agirre: Jaio zenean zer polita zen!
Oraindik ez dut ahantzia
baina hazi da ta koxkortu da
badu bere garrantzia;
hanka puntetan ibili beharrak
ai jartzen dizun trantzia!
Baina hobia ez litzateke
berai hanka zanpatzia. (bis)
J.M. Irazu: Ordun alaba geldituko zan
bihotz barrena minduta
ta aitak bere alabatxoa
goata artean zainduta.
Dantza ez ezik lan egin beza
bere hankak arinduta
bai dihoala Bartzelonara
matrikula ordainduta. (bis)