BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (8. 2007)

Actuación

2007-12-16 Donostia Txapelketa

Gai-emailea

Jauregi, Saroi

Bertsolaris / Autores

Maia, Jon

Ejercicio

Bakarka gaia-emanda kartzelako-lana

Tema propuesto

Erantzun baten zain, asteak eman dituzu eta, gaur, espero ez zenuen erantzuna jaso duzu.

Descripción

Melodia

Gure herri ttiki hau da

Nombre de la estrofa

Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2007-12-16 Donostia Txapelketa [Bertsoa] / Jon Maia

Nombre de la estrofa:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Localización:  XDZ - Xenpelar Dokumentazio Zentroa 

---

Badakit zu ez zarela
egoten sekula lasai
arriskuari urrundik
hartzen baitiozu usai;
esan nizun etortzeko
ta erantzun zenidan "Ai!
Aste batzuetan behintzat
pentsatzeko hartzen det jai".
Asteetan egondu naiz
zure erantzunaren zai
zu baitzera nere argi
nere begi hauen talai.
Finalera etorri zera
irabaztea dezu nahi;
lehen neregatik nahi nuen
orain zugatik ere bai. (bis)

Beti egoten zera zu
nere asmoen gainean;
beti dezu hitz polit bat
neretzako mingainean;
beti zu nere ondoan
beti goxo apainean;
beti zure esku hori
gehien behar dedanean;
beti zu ta betirako
hor zaude azken finean;
beti zu beti pozean
beti zu nere minean.
Hor zaude jende artean
hor zaude gaurko gauean;
bi begi bi izar dira
gogoan ilunbean. (bis)

Bai zure bi begi hoiek
bai zure bi begi urdin...
Bai zure irrifar hori
irrifar hori beti fin...
Zama bizkar gain honetan
sentitu nezake arin
ez dezulako gaur ere
zure lekuan huts egin.
Badegu ibilbide bat
ta badegu nahiko adin;
bizitza pasatu degu
poz ta minez elkarrekin;
hor zaude nere maitea
ta ederki dakit jakin
txapela zein txapel gabe
maiteko nauzula berdin. (bis)