Bertsos - Ver ficha Más información sobre esta sección
2007-11-17 Eskoriatza Txapelketa [Bertsoa] / Uxue Alberdi, Jon Martin
2007-11-17 Eskoriatza Txapelketa [Bertsoa] / Uxue Alberdi, Jon Martin
Nombre de la estrofa:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localización:
XDZ - Xenpelar Dokumentazio Zentroa
J. Martin: Berriz ere parrandatik
gure gustoko tokitik
bat egin dugu eta etsitzen
jarraitu aurretik
behin bukatu zen zergatik?
Arrazoiak badakizkit
baina begiok ikusi eta
denak ahazten zaizkit. (bis)
U. Alberdi: Gure eskuaren itzela
bihurtuz joan zen epela
azkenerako itzali egin zen
askona bezela;
berriz ohean gaudela
hau berotasun umela!
Ia ahaztuta ere baneukan
guapoa zinela. (bis)
J. Martin: Behin bukaera erakutsi
ta ez gera asko ikusi
isiltasuna izan da gure
artean nagusi;
nahiz ta ez gauden itsusi
daukat esperantza gutxi;
behingoz hautatu beharko dugu
hartu edo utzi. (bis)
U. Alberdi: Lehen bikotea ginen
eta hau ez dakit zer den!
Egia esan nahiko eroso
sentitzen naiz hemen
baina beldurra dut zeren
bigarrenak txarrak omen
ta ez zaidazu galdetu berriz
noiz egongo garen. (bis)
J. Martin: Ez dut eskatzen bizitzan
ipuin eder bat bailitzan
parrandan hasi etxean segi
bukatu elizan
baina maitasun peskizan
nik sentitzen dudan gisan
maite zaitut bat esan zaidazu
nahiz gezurra izan. (bis)
U. Alberdi: Bi hitz dituzu desira
esango dizkizut tira!
Ta egia da nire bihotza
azkartzen hasi da;
begietara begira
lehen eginaren harira
gure bideak bidegurutze
bilakatu dira. (bis)