BDB Bertsolaritzaren datu-basea

Información general

Kategoria

Bat-batekoa

Actuación

2001-04-20 Elgoibar Txapelketa

Gai-emailea

Aizpuru, Egoitz

Bertsolaris / Autores

Goikoetxea, Ekaitz

Martin, Jon

Ejercicio

Binaka gaia-emanda

Tema propuesto

Tirriki-tarraka zabiltzate zuek biok, Ekaitz aitona, bere buruaz baliatu ezinik bi makuluren beharrean, eta Jon, biloba, berriz, orain hasi delako lehen pausuak ematen.

Descripción

Nombre de la estrofa

Hamarreko txikia (hg) / Bost puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2001-04-20 Elgoibar Txapelketa [Bertsoa] / Ekaitz Goikoetxea, Jon Martin

Nombre de la estrofa:  Hamarreko txikia (hg) / Bost puntuko txikia (ip) 
Localización:  XDZ - Xenpelar Dokumentazio Zentroa 

---

E. GOIKOETXEA:
Urruti gaude baina
elkarren gertuko,
begiak ixten zaizkit
esnatu orduko.
Berriz egun sentirik
ez al zait helduko?
Ezin egona eta
denbora lekuko
erortzen banaiz ez naiz
berriz altxatuko.

MARTIN:
Hiltzeko jaio egin
behar da lehenik,
dudarik gabe ez da
itxura berdinik.
Nahiz ta lehen pausuak
eman ditudan nik
ta zu aurkitzen zeran
ibili ezinik,
ez nuke pentsatu nahi
azkenak direnik.

E. GOIKOETXEA:
Tirrika ta tarraka
nolako jarduna!
Zaharrontzako ez da
argitzen eguna;
denboran katiatu
zait biharamuna,
sufrimendua degu
gustoko laguna,
behar baino gehiago
maitatzen deguna.

MARTIN:
Denbora iristen da
dena hondatzera,
hiltzeko jaio ginen
egia ote da?
Batera goaz baina
ez goaz batera;
aurrera goaz beti,
gu beti aurrera,
ni bizitzara eta
zu heriotzera.

E. GOIKOETXEA:
Zerraila itxi dute
makina bat atek
ta zer egin dezake
aitona zahar batek?
Nahiz hola ibiltzea
nik ez dedan laket,
bi makuluz dedana
gozatu dezaket
ta hirugarrena zu zeu
izan nahi zinduzket.

MARTIN:
Esan nahiko nizuke
ahal bezain klaru:
azken finean nahiko
berdinak gara gu.
Gure bizitzak ere
helmuga bera du,
seguru egon zaite
aittona koittadu:
harrapatuko zaitut
goiz edo berandu.