Bertsos - Ver ficha Más información sobre esta sección
2001-05-11 Azkoitia Txapelketa [Bertsoa] / Luis Otamendi, Aritz Zerain
2001-05-11 Azkoitia Txapelketa [Bertsoa] / Luis Otamendi, Aritz Zerain
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
ZERAIN:
Guk egunero izaten degu
gau ilunaren itzala;
harrera etxetik eskeintza heldu,
gainera oso zerbitzala.
Nik hara joanda lo egin nahi det,
ez al da hori normala?
Behingoaz behintzat sentitu nahi det
gu`re pertsonak gerala (bis)
L. OTAMENDI:
Ezagututzen ez dan tokira
ez zazu urratsik bota,
han hiru alde egon litezke,
baina beste hogei kontra
eta gu ondo osatzen gera
bai manta eta bai arropa;
belaze baten lo egin deigun
oso gau giro dago-ta (bis)
ZERAIN:
Gau giro ona egiten du bai,
hor badezu arrazoia,
baina halare probatu nahi det
aterpe etxeko ohia;
igual arrotza egingo zaizu
zure azpian koltxoia,
badaezpadare eman ezazu
eguneroko kartoia (bis)
L. OTAMENDI:
Zuk nahi badezu bakar bakarrik
lagun joan zaite, tira,
baina nik ez det gaurkoan joan nahi
aterpe etxeko tokira;
beti maite det gau ilunean
nik kanpon dagon dirdira,
alde ederren lo egiten da
goiko izarrai begira. (bis)
ZERAIN:
Zuk berriz ezetz diozu baina
ni ari naiz baietzean,
goazemazu egongo gera
biak alkarren ertzean,
gau txukun eta eroso antzeko
bat pasaz aterpetxean;
izarrak ere egoten dira
ohe gozoko ametsean.(bis)
L. OTAMENDI:
Ilunpetako izarra lagun
beti ohi da makala
ta esan dizut ni aterpera
gaurkoz ere ez noala.
Nere esana bete ezazu
oroitzeko berehala,
denen aurrean agertu zazu
egiz eskale zerala. (bis)