Bertsos - Ver ficha Más información sobre esta sección
2001-05-11 Azkoitia Txapelketa [Bertsoa] / Nerea Elustondo, Iñaki Zelaia
2001-05-11 Azkoitia Txapelketa [Bertsoa] / Nerea Elustondo, Iñaki Zelaia
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
I. ZELAIA:
Bikote gisan pasea degu
ez dakit zenbat denbora!
erlazioa ondo zihoan,
nengoen oso gustora,
bainan zugana ere heldu da
Telecincoko hoien moda,
etxe berean, baina egon zaitez
nigandik hiru metrora. (bis)
ELUSTONDO:
Zure esana ez dut gustoko,
ez al da nahiko nabarmen?
Ta jarraitzeko aukeratxo bat
eman zaidazu bederen;
ez dut pentsatzen txarra degunik
kamarak jartzea hemen,
mundu guztiak jakin dezala
zeinen zoriontsu garen! (bis)
I. ZELAIA:
Denek jakingo dute bestela
ta hau noa esatera:
une honetan puskatu dezu
zorionaren aukera
ta zenbat maite nauzun benetan
orain kontuak atera,
zuk bikotea saltzen badezu
maitasunakin batera. (bis)
ELUSTONDO:
Maitasunikan ez dut salduko,
uste hoiekin kanpora!
Halare badut harremanean
aurreratzeko ganora,
gure irudiak eramanikan
telebistaren ondora,
gure orgasmo bakoitza ere
multiplea izango da. (bis)
I. ZELAIA:
Zatiketa ere izan dezake
multiplikazio horrek,
horren faltsua zinanik behintzat
ez nuen uste neronek;
lehenengo gauan esan didazu:
"bertsotan egin behar det".
Zenbat ordaindu ote dizute
Hitzetik Hortzerakoek?
ELUSTONDO:
Bost mila pezta ere ez dira,
ez zaite horrela jarri;
gure etxea nahiz aspaldian
bihurtu gure uztarri,
gure liskarrak jarraitu asmoz
kanpora egizu korri,
mundu osoak jakin ez dezan
gure ika-miken berri (bis)