BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Bertsolari Txapelketa Nagusirako Gipuzkoako Sailkapena (2001)

Actuación

2001-03-24 Hernani Txapelketa

Gai-emailea

Jauregi, Saroi

Bertsolaris / Autores

Aginaga, Mikel

Zerain, Aritz

Ejercicio

Binaka gaia-emanda

Tema propuesto

Bi mendizale zarete. Pirineoetako mendi aterpe batean ezagutu zenuten elkar bart, baita elkarrekin oheratu ere. Mikelek, goizean dena prestatu eta mendira joateko asmoa du. Aritzek ez du mendiarekin ezer jakin nahi.

Descripción

Melodia

Dama gazte xarmant bat

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2001-03-24 Hernani Txapelketa [Bertsoa] / Mikel Aginaga, Aritz Zerain

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

AGINAGA:
Hemen gelditzerikan
ez zazula uste,
edozer emango dut
iristean truke;
gailurra jotzeak du
hainbeste bertute,
atzo jo nuen eta
berriz jo nahi nuke.(bis)

ZERAIN:
Abiatu asmotan
tirri eta tarra,
nahikoa erakutsiz
badula indarra;
baina ni aurkitzen naiz
kezkati samarra,
gaurko gailurra bada
atzo bezain txarra. (bis)

AGINAGA:
Benga anima zaitez
lagun buru arin,
gailurra joko degu
eta ahal bada fin;
zure alperkeria
behar dezu ekidin
harremana osoa
bilakatu dedin. (bis)

ZERAIN:
Zu ze harremanetaz
holakoik esaten?
Hara gomendio bat
goruntza ez irten;
garbi ikusi baitet
zerala oso kirten,
askoz trebego zera
beheraka juaten. (bis)

AGINAGA:
Atzo egin ginaden
gu biak ezagun
eta oharkabean
bilakatu lagun;
zu mendiaren kontra
horrela ez jardun,
nere mendiak oso
gustoko zenitun. (bis)

ZERAIN:
Ez negon hain gustora
bukatu ostean,
nahiz ona zala uste
horretan hastean,
mendian bezelaxe
neretzat kaltean,
atzo galdu egin nintzen
ni laino artean. (bis)