Bertsos - Ver ficha Más información sobre esta sección
2001-04-20 Elgoibar Txapelketa [Bertsoa] / Arkaitz Goikoetxea, Ekaitz Goikoetxea
2001-04-20 Elgoibar Txapelketa [Bertsoa] / Arkaitz Goikoetxea, Ekaitz Goikoetxea
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
A. GOIKOETXEA:
Monastegi txukuna
eta dotorea,
mundu hontako azken
lekuan gordea;
heldu naiz ahaztu nahirik
despertadorea,
baina hemen duguna
ez da ez hobea! (bis)
E. GOIKOETXEA:
Iratzargailuaren
zereginez nago,
zure aukera baino
nerea nahiago;
otoitzean in zazu
egunak igaro,
kristau zintzoarentzat
oporrik ez dago. (bis)
A. GOIKOETXEA:
Kezka ahaztu nahiean
hona egin txango,
baina hau ez da uste
lain ona izango;
hau eguerdian egin
genezake ondo,
Jainkua ez da eta
inora juango. (bis)
E. GOIKOETXEA:
Nik nerekikoa ta
zuk zurekikoa,
hitz horrek ipini nau
malkotan itoa;
behin bakarrik eginda
ez degu nahikoa,
pertsona guztiongan
baitago Jainkoa. (bis)
A. GOIKOETXEA:
Nik etorri nahi nuen
mundutik aparte,
mesede uste eta
gertatu zait kalte;
otoitzerako izanik
hainbat borondate,
berriz ere bakarrik
biziko zerate. (bis)
E. GOIKOETXEA:
Zure arrazoietan
indarra darizu,
Jainkoa zai dagola
ta ez zaude izu;
baina hartu ezean
hainbat konpromisu,
deskuidoan zeruak
aldegingo dizu. (bis)