BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Bertsolari Txapelketa Nagusirako Gipuzkoako Sailkapena (2001)

Actuación

2001-05-12 Irun Txapelketa

Gai-emailea

Aizpuru, Egoitz

Bertsolaris / Autores

Agirre Goia, Unai

Martin, Jon

Ejercicio

Binaka gaia-emanda

Tema propuesto

Zu, Unai, itsulapikoa zara eta Jon, berriz, haurtxoa. Orain arte dirua bota dizu Jon haurtxoak. Gaur, ordea, eskuetan mailua duela datorkizu.

Descripción

Melodia

Dama gazte xarmant bat

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2001-05-12 Irun Txapelketa [Bertsoa] / Unai Agirre Goia, Jon Martin

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

U.AGIRRE:
Kotxe bat erostea
bere kapritxoa,
txanpon guztiak botaz
hau da hau bitxoa!
Baina mailua utzi
ta izan txintxoa,
oraindik erdi hutsa
dago txerritxoa. (bis)

MARTIN:
Ai nere eltxetxoa,
ai txerritxo fina,
gaurkoan eman behar
dizut kriston mina;
mailua hartu eta
a ze ahalegina!
Jadanik ailegatu
zaizu San Martina. (bis)

U.AGIRRE:
Txanponak poltsikoan
mila enbarazu,
baina pezetak soilik
zenitula kasu;
eltxetxorik ez zazu
puskatu jo ta su,
beste bat erosteko
ere ez daukazu. (bis)

MARTIN:
Ez omen dut besterik
dudan diruan truk,
aurrean jarri zara
zu tente eta zut;
mugimendu arrarorik
ez zazu egin zuk,
zulotxoa pixka bat
haundituko dizut. (bis)

U.AGIRRE:
Mailuakin nigana
oraintxe zuzendu,
zuloa haunditzea
digu nabarmendu,
baina ideia hoiek
burutikan kendu,
zulo haundiakin honek
gehiago jaten du. (bis)

MARTIN:
Mailuak sortzen dizu
hainbeste ikara;
krask! hautsi egin behar det,
diru gutxi, hara;
baina konponbide bat
badut beharbada:
Lotite pixkatekin
osatuko zara. (bis)