BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Nafarroako Bertsolari Txapelketa (21. 1992)

Actuación

1992-03-08 Donazaharre Txapelketa

Gai-emailea

Soule, Beñat

Bertsolaris / Autores

Aire, Mixel "Xalbador II"

Arzallus, Jexus

Ejercicio

Binaka gaia-emanda

Tema propuesto

Zu Arzallus neska zara, zu Xalbador mutila. Inauterietan elkarrekin egon zinaten gostura, orai maskak kendu eta elgar ikusi duzue lehen aldikoz.

Descripción

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

1992-03-08 Donazaharre Txapelketa [Bertsoa] / Mixel Aire "Xalbador II", Jexus Arzallus

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

J. Arzallus:
Maskararekin negon
polit eta legun
elkarrekin ibili
gera biok egun
nahiz ta lehendik ez ginan
elkarren ezagun
orain esan zaidazu
zerbait maite nauzun.

M. Xalbador:
Hau ez zitzaitan eni
gertatu oraino
izarrik ez dut kusten
baina zerbait laino
ez da gertatu hori
nehoiz egundaino
maska politago zen
aurpegia baino.

J. Arzallus:
Gertatu zen guk biok
dantzatzen hastea
orain dantza lotua
ta gero askea
ikusiz erabaki
badu nik uztea
nahi duzunean joan
badaukat bestea.

M. Xalbador:
Inauterian izan
zen bai gure besta
geroztik hemen nabil
erresta erresta
zure maitatzera gaur
ez naiteke presta
edo bertzenaz berriz
jantzi zure maska.

J. Arzallus:
Pozik ibilia zan
hau hortxe nerekin
baina beti ezin segi
nere maskarekin
itxusia naizela
esanez du ekin
hor konpon dedila ba
bere ardiekin.

M. Xalbador:
Orai ikusia dut
orduko laguna
eta bere mintzoa
garbik¡ entzuna
hara zer pentsamentu
jina zautan huna
hunekin dela ene
zinez garizuma.