Bertsos - Ver ficha Más información sobre esta sección
1999-11-28 Zarautz Txapelketa [Bertsoa] / Andoni Larrañaga, Sebastian Lizaso, Leire Ostolaza
1999-11-28 Zarautz Txapelketa [Bertsoa] / Andoni Larrañaga, Sebastian Lizaso, Leire Ostolaza
Localización:
XDZ - Xenpelar Dokumentazio Zentroa
A. Larrañaga:
Turista dala eta ez dala
bada hamaika ekintza:
Uda ostean miloi mordo bat
izaten degu emaitza.
Turistak beharrezkoak dira
hortan eman nahi det hitza.
Zarautz're ezer ez zen izango
turistarik ez balitza.
L. Ostolaza:
Turistak hemen ibiltzen dira
gure bazterrak ikusten,
haiek galdezka jarduten dira
ta gu haiei erakusten.
Sagardo pixkat edan orduko
baztear guztiak nahasten
eta gainera apartatzeko
lekurik ez dute uzten.
S. Lizaso:
Uda garaian ateratzen da
hainbaeste jende apropos,
baina gehiegi datozenean
ez dute sortzen haibat poz.
Erabakia erdibidean
jarri nahi dut errespetoz:
Erdiarekin nahikoa degu
diruarekin badatoz.