Bertsos - Ver ficha Más información sobre esta sección
1990-02-10 Zestoa Jaialdia [Bertsoa] / Mikel Mendizabal
| Bertsoa entzun |
1990-02-10 Zestoa Jaialdia [Bertsoa] / Mikel Mendizabal
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Mundua nola ote dabilen
esan nahi det bapatean,
bueltaka omen bere ardatzean
unibertsoko partean,
atzo gauean eklipsea zan
kontua aho betean,
atzo zebilen eguzkia ta
ilargiaren tartean.
Errusiako komunismoak
arazo galanta dauka,
Ertamerikan droga kontuak
baditu nahiko burruka,
Espanian da Euskal Herrian
partidu denak muturka,
Autodeterminazio eske
konstituzioa(re)n aurka.
Nikaraguan hauteskundeak
omen dituzte bere(ha)la,
mila ta bostehun kartzelatuak
libra dituzte horrela,
Hegoafrikan gaur jakin degu
liderra duten Mandela
ho(g)itazortzi urte preso egonda
bihar libratzen dutela.
Itsasoetan marea beltzak,
jendea ez dabil alai,
haundi-maundien injustizia
garbi ikusten da nunnahi,
euriarekin otsaila arte
hementxe egon gera zai,
eguraldia nahastuta dabil,
mundu guztia ere bai.