Bertsos - Ver ficha Más información sobre esta sección
1989-07-29 Altzo Jaialdia [Bertsoa] / Anjel Mari Peñagarikano
| Bertsoa entzun |
1989-07-29 Altzo Jaialdia [Bertsoa] / Anjel Mari Peñagarikano
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Gaur bezin triste eta pentsakor
inoiz ez nintzen aurkitu,
beti besteren esanetara
ezin gera errenditu,
beste gauzarik ez dago orain
puxkatu eta txikitu,
hemen lantokiz urritu gera,
zabortegiz ugaritu,
aurrerapenak hemen holako
bentajak ekarri ditu. (BIS)
Oso albiste tristeak dira
negar malkotan bustiak,
lehen hementxe nik entzuten nitun
txoritxoren abestiak,
edertasuna berekin dauka
hor Otsabio azpiak,
Altzo maite hau dotoretzen du
beraren babes eztiak,
nahi ez genduken zabortegiak
honda ditzake guztiak. (BIS)
Zeinek gailendu hori dela ta
sortu leizken arazoak,
horrelakorik ez zun merezi
Altzoko magal gozoak,
nik irakurri izandu ditut
Iparragirren bertsoak,
batek hau dio «paregabeko,
mendiak eta basoak»,
zer pasa behar zuen gerora
gutxi zekien gaixoak. (BIS)