Bertsos - Ver ficha Más información sobre esta sección
1989-01-15 Donostia Jaialdia [Bertsoa] / Anjel Mari Peñagarikano, Millan Telleria
| Bertsoa entzun |
1989-01-15 Donostia Jaialdia [Bertsoa] / Anjel Mari Peñagarikano, Millan Telleria
Localización:
XDZ - Xenpelar Dokumentazio Zentroa
Telleria
Orain artean intimidade
zerbait izan da Bakeiran,
begira hona a zer nolako
bitxoak agertu diran.
Peñagarikano
Moteil hiretzat txikitxoa dek
Bakeira-Beret mendia,
sarritan firmes, horra lurrean
Errege hanka haundia.
Telleria
Guk pista lumek ez zeuzkeagu
animalintzat eginak,
honek aurrean ematen ditu
Errege ta banderinak.
Peñagarikano
«Ai mi marido» zion Sofiak,
Erregea «mekauenka»,
bajarik ez du hartuko baina
bai egun batzuk errenka.
Telleria
Guardaespalden kopurua (e)re
izan da hain ugaria,
lurrean hankak gota hor dago
euskaldun bertsolaria.
Peñagarikano
Honi semeak han esan dio
bere belarri ertzera:
«Hemen Printzipe ni neu naiz baina
printzipiante zu zera».
Telleria
Nahiz Euskadiko plaza askotan
hitza harroki atera,
Erregearen kara ikusiz
Peña hain triste al zera?
Peñagarikano
Alabak berriz esaten zuen:
Nor ote da mutil hori?
Aita jotzean zergatik ez da
nere gainera erori?
Telleria
Bertsolarien alabarentzat
gizonetarako uko,
zure moduko batengatikan
hura ez da harrituko.
Peñagarikano
Entzun zaidazu bihotzez hainbat
maite zaitudan Sofea,
zure gizonak hankan ez baino
buruan dauka ejea.
Telleria
Beraz zu zaude Majestadean
inguruan ibilita,
Sofia ez da baina zu ere
ez zera oso polita.
Peñagarikano Nere eskiak apurtu dira
eskerrak Juan Carlos-i,
Aste Santuan behar dizkit eta
berriak azkar erosi.
Telleria
Era hontako xelebreak e(re)
etortzen dira ugari,
hor dago eta eska zaiozu
Españiko Gobernuari.
Peñagarikano
Ez dakit nola ez zaigun jarri
telesillatik zintzilik,
txorakeriak esaten dituk
eta egon hadi isilik.