BDB Bertsolaritzaren datu-basea

Información general

Kategoria

Bat-batekoa

Actuación

1992-08-29 Bidania-Goiatz Jaialdia

Gai-emailea

Zelaia, Koldo "Etxeberri"

Bertsolaris / Autores

Egaña, Andoni

Ejercicio

Bakarka gaia-emanda batek besteei

Tema propuesto

Herri txikitan baserri giroan bizi geranez jeneralki, atzeko langile alper hoiei jarriezu baserriko tresna bana (gainontzeko bertsolariei).

Descripción

Melodia

Anai-arrebak hementxe nator

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

1992-08-29 Bidania-Goiatz Jaialdia [Bertsoa] / Andoni Egaña

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

Barkatu baina hasi aurretik
ni ez naiz baserritarra,
baina halare tresna hoien bila
jardungo naiz tirri-tarra,
Sebastian igual jarriko nuke
baserriko kopaotarra,
edozer gauza irensten duna (BIS)
baita bere tripazarra.

Bere ondoan gazte bat dago
lerdena eta guapoa,
ilusioak berekin ditu
hortantxe dago kakoa,
Bidani aldeko bertsolaria
Txuzena eta bapoa,
hau izango da gure su zaharra (BIS)
indartuko dun auspoa.

Euzkitze're hortxe daukagu
horrekin asko ez fio,
lehenago zerbait balio zuan,
piskana eta gutxio,
reklamu gisan belarrian'e
urrea dauka propio,
txorimalotzat jarriko nuke (BIS)
bestela ez du balio.

Gabiriarrai ze tresna jarri
horixe degu kontua,
ez da haundia ile kixkurrak
izaten dun talentua,
jende gehienak esaten du-ta
jendea ez da tontua,
neronek ere esan nahi nuke: (BIS)
Hau dek hau segapotua!

Azkenerako gelditzen zaigu
Sarasuan erraminta,
mahoizko galtzak soinean ditula
hara Txikiaren pinta,
andregairikan ere ez dauka
nahiz bera izan polita,
behiak jeisteko makina da hau (BIS)
besterikan ez daki-ta.