Bertsos - Ver ficha Más información sobre esta sección
1992-08-21 Zizurkil Jaialdia [Bertsoa] / Iñaki Murua
| Bertsoa entzun |
1992-08-21 Zizurkil Jaialdia [Bertsoa] / Iñaki Murua
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Zuek guztion antzekoa det
nere sudurran barrena,
ta bereizketa egin dezaket
usai on eta txarrena,
ez da txukuna babarrunak jan
ta atzetik datorrena,
okerragoa zerritei edo
neumatiko erreena,
ta hoiek baino okerrago lehen
Oria ibaiarena. (BIS)
Klabelin edo arrosa usaia
hartuz sudur barrenean,
egun guztia pasa dezaket
liluraren zoramenean,
zer usai ona belar berdea
ontzen hasia denean,
edo ta lurra lehor egonik
euria ein ondorenean,
bai gure amaren eltzekoak'e
erretzen ez zaionean. (BIS)
"El Perfume"ko protagonistak
aina usai nahiz ez jaso,
alkohola edanda gorputz usaiak
egiten du enbarazo,
besapeko ta sexuai behintzat
egin behar zaio kaso,
baina neskatxek koloniari
egin zaiozue paso,
zuen izardi berri usaia
erotikoa da oso. (BIS)