Bertsos - Ver ficha Más información sobre esta sección
1992-12-04 Arrasate Jaialdia [Bertsoa] / Andoni Egaña
| Bertsoa entzun |
1992-12-04 Arrasate Jaialdia [Bertsoa] / Andoni Egaña
Nombre de la estrofa:
Neurri luzekoak
Localización:
XDZ - Xenpelar Dokumentazio Zentroa
Propaganda bat iritsi zaigu
kanpoan eginan kalko,
asunto honek berekin badu
nik ez dakit zenbat kako,
barkatu baina irtenbiderik
ez det hemen aterako,
kontzientzin nabil plako,
beraz zurrutetik bapo, (BIS)
edale hutsa bilakatzen naiz
zergaitik esan beharko,
gaur ostirala dalako eta
atzo osteguna zalako. (BIS)
Aspaldi hontan asko edan dut
gauzak dirade horrela,
"gin-tonic"en bat parean bada
ez det ukatuko bela,
Gobernutikan jarri digute
biziosoen txartela,
gure herio eskela,
ze amenaza ustela!(BIS)
Edanda gero ni sentitzen naiz
ni neu banintza bezela,
neure bizia neurea da ta
pakean utz nazatela. (BIS)
Zurrut guztiak uzteko ere
badaukat borondatea,
ederki dakit hortikan dator
osasunaren kaltea,
halare errex gurutzatzen det
tabernetako atea,
txikito edo potea,
pekatu mortal ote'a? (BIS)
mahaian eseri irriak egin
jatea ta edatea,
askotan horren sinonimoa da
bertsolari izatea. (BIS)