BDB Bertsolaritzaren datu-basea

Información general

Kategoria

Bat-batekoa

Actuación

1993-12-12 Markina-Xemein Jaialdia

Conductor/a

Lejardi, Jose Mari "Gabixola"

Bertsolaris / Autores

Enbeita, Jon

Ejercicio

Bakarka gaia-emanda

Tema propuesto

Hamabost urte ia igaro dituzte sei euskal presok kartzeletan. Hamabost urte bi-hiru metro karratutan. Zer egin duk hamabost urte hauetan hareek barruan direla? Akordatu al haiz eurekin?

Descripción

Nombre de la estrofa

Hamarreko handia (hg) / Bost puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

1993-12-12 Markina-Xemein Jaialdia [Bertsoa] / Jon Enbeita

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

Inorentzako ez da atsegin
horrelako zoritxarrik:
hamabost urte lau metroetan
libertadean itxarrik.
Hemen bertsotan aritzea da
azken batean alperrik...
Urte hauetan zer egin dudan
ez daukat horren izparrik;
ez da nahikoa han daudenetaz
akordatzea bakarrik.(bis)

Hamabost urte argi gabeko
samintasunez beteak,
tristura digu bihotzeratzen
soilik hori esateak;
ordurik ordu, egunik egun,
pasatzen dira urteak
noiz puskatuko kateak eta
noiz zabalduko ateak;
baina kanpotik hautsi behar dira
giltzapetako kateak. (bis)

Ez gaitu inor aspaldi biltzen
benetako zorionak...
Hainbat izardi, hainbeste odol,
Herriagatik emonak;
gaur ere soilik etorri dira
bere negarraren sonak;
bildu gaitezen, saia gaitezen,
berdin andre zein gizonak.
Ea noiz diran Euskadirentzat
preso gabeko Gabonak! (bis)