Bertsos - Ver ficha Más información sobre esta sección
1994-01-29 Zegama Jaialdia [Bertsoa] / Jon Enbeita, Jokin Sorozabal
| Bertsoa entzun |
1994-01-29 Zegama Jaialdia [Bertsoa] / Jon Enbeita, Jokin Sorozabal
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
J. Enbeita:
Ez dakit ziur ikusi badut,
uste dut ametsa dala,
hasarretuta dindilizkoa
moztu dio berehala,
ta orain libre utzi digute...
hori ote da kabala?
Eta oraindik esango dute
denok matxistak gerala.(bis)
Sorozabal:
Sententzi hori emana dago
ezer ez andreantzako,
berriro ere kalerik-kale
paseatuko da bapo,
senarrarekin izaten zuen
harek sufrimendu pranko,
seguru asko moztuko zion
luzeegia zeukalako.(bis)
J. Enbeita:
Luze samarra maite dutela
ta orain berriz kaltean,
ta irriparra nabari diot
andreari esatean,
tentaziorik izan ez dezan
berak halako batean,
funda batekin gorde behar dut
lo nagoen bitartean.(bis)
Sorozabal:
Bera bildurrez jarri da eta
orain neurri hori irten,
hau bezelako senar makalek
horren berri bazekiten,
lo zaudenean ez zazu gorde,
zer ari zera esaten?
zu lotan zauden artean horrek
minik ez baitu egiten.(bis)
J. Enbeita:
Lo bada honek ez du egiten
zu minberatzeko lanik,
baina bai zure buru horretan
sortzen da holako planik,
ta ez zazu esan gizonarena
luzeegi izango zenik,
gu jolastean ez duzu esaten
inoiz larregi duzunik.(bis)
Sorozabal:
Denen aurrean ez zazu esan
hemen honelako gauzik,
izan ere gaur hizketa honek
ez dauka onaren antzik,
luzea edo motza eduki
horrek ez du sortzen gaitzik,
kuestioa ez da zenbat haundi dan
nola erabili baizik.(bis)