Bertsos - Ver ficha Más información sobre esta sección
1994-08-16 Goizueta Jaialdia [Bertsoa] / Estitxu Arozena, Maialen Lujanbio
| Bertsoa entzun |
1994-08-16 Goizueta Jaialdia [Bertsoa] / Estitxu Arozena, Maialen Lujanbio
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
E.Arozena:
Beti bezala kanping dendekin
jende asko dago aurten,
eta gu beti erabiliaz
gorputzak garbi ditzaten;
zikinkeria uzten digute
lotsik ez die ematen,
badaezpada jendeak ez du
gure uretik edaten. (bis)
Lujanbio:
Kanping hortako jende gazteak
ez dira oso bapoak,
ez dira bate txukunak eta
bate errespetozkoak;
gaupasa batez taberna hauetan
tragoak eta jokoak,
gero errekan bota zituzten
Goizutan edandakoak.(bis)
E.Arozena:
Nik ezin dut gaur ezer sinetsi
jende horien klasean,
eta ezin dut ezertxo egin
hoien kaka usaitzean;
nahiz orain arte bi amurraiak
gauden kristoren trantzean,
itxoin ezazu! ostegunean
"peña"koak etortzean.(bis)
Lujanbio:
Erreka leheno garbi zegola
aspaldian banekian,
ze zikinkeri jaso ditugun
festa hoien aitzakian;
gazte jendea, denak balantzan
ez hain modu egokian,
ta hor bertan lo gelditzen ziran
eseritako tokian.(bis)
E.Arozena:
Dirudienez bildutakoak
ez dira oso tontoak,
zikinkeria utzitzeaz gain
ai horrelako topoak,
goseak ere hiltzen dituzte
holako mutil guapoak,
okerrago da etorriz gero,
arrantzale ustekoak.(bis)
Lujanbio:
Zazpi ta zortzi egoten dira
hiruntzako duten plazan,
jende ezagun dexente ere
ikusi nuen balantzan,
ta bat Estitxu Arozena zan
hor egon nintzan zalantzan,
hemen etxia badauka baina
ez dakit zerta juan zan! (bis)