BDB Bertsolaritzaren datu-basea

Información general

Kategoria

Bat-batekoa

Actuación

1995-08-17 Gernika-Lumo Jaialdia

Conductor/a

Gezuraga, Xiomara

Bertsolaris / Autores

Enbeita, Jon

Intxausti, Kepa

Ejercicio

Binaka gaia-emanda

Tema propuesto

Zuek biok koadrila bereko bi mutilzahar zarete. Orain dela zenbait urte modoxka bazineten ere, gainerako lagun guztiak ezkondu dira dagoeneko eta biok zaudete bakarrik mutilzahar. Jonek gaur esan dio Kepari ezkontzera doala.

Descripción

Melodia

Kantatzera nijoa

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

1995-08-17 Gernika-Lumo Jaialdia [Bertsoa] / Jon Enbeita, Kepa Intxausti

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

J.Enbeita:
Gogorra izango da
zuretzat tragoa,
baina bizitza hau ez da
batere sanoa,
bakardadea baita
nahiko arraroa,
horregaitik laguna
ezkontzera noa. (bis)

Intxausti:
Ezkontzera zoazela
egia beharbada,
antza zuk ez dautsozu
ezeri ikara,
kuadrilako legeak
kanpora atara,
rogatiba egiten
joan al zara ba? (bis)

J.Enbeita:
Juergan bota ditugu
urteen segida,
eta denbora ia
amaitzen ari da,
ta hauxe pentsatu dot
espiluai begira:
edo ezkondu edo
mixerikordira. (bis)

Intxausti:
Nobera burumakur
nolako ganora,
ta orain ezkontzeko
ein nahian aproba,
arin aurkitu dozu
bihotzeko lora,
zuretzat badau nitzat
ere egongo da. (bis)

J.Enbeita:
Argitzen hasi zara
apurka mutila,
ia amaitu jatzu
soltero kudrila,
ikusiko da zaran
zu horren abila,
bera ez jatzu etorko,
joan behar zara bila. (bis)

Intxausti:
Ezkontzeko bidea
hartuz tipi-tapa,
zure juerga guztiak
alboan lagata,
ez gara ikusiko,
ez egin zarata,
separatu be laster
egingo zara ta. (bis)