1993-12-19 Donostia Txapelketa 17:00 [Bertsoa] / Anjel Mari Peñagarikano

Aukerako gaiak:
1 GAIA: Herriko parkean zauden banko bat zara. Asteburuetan zure inguruan gertatzen denaren berri
konta iezaguzu.
2. GAIA: Zezen-plaza inguruko belaze batean ari zaren zezena zara. Zauden lekutik ole! eta txalo
zaparrada latzak entzuten dituzu.

Descripción

Melodia

Maitasuna da bizi izateko

Nombre de la estrofa

Neurri luzekoak

Localización

Localización: XDZ - Xenpelar Dokumentazio Zentroa
Colección / Fondo / Proyecto: Txapelketetako Bilduma

1993-12-19 Donostia Txapelketa 17:00 [Bertsoa] / Anjel Mari Peñagarikano

Nombre de la estrofa: Neurri luzekoak
Localización: XDZ - Xenpelar Dokumentazio Zentroa

Egun batean jaio nintzen ni
askatasunaren jabe,
baina geroztik somatu izan det
makina bat atsekabe.
Zezen plaza hortan nere lagunak
hor torturatzen dirade;
isats, belarri ta lore,
toreroentzat dotore. (bis)
Beste gauzarik ez det entzuten:
Ole!, Ole! eta Olé!
Mundura zezen sortu ez banintz,
neronentzat askoz hobe! (bis)

Zezen plazatan izaten dira
korrida kuriosoak,
bainan guretzat ez dira izaten
bate gauza erosoak.
Entzuten ditut beren txaloak,
entzuten ditut mezuak;
gaur torero inozoak
txaloak ditu jasoak. (bis)
Ondo ez dakit torero diren
edo eta pailazoak,
errugabeak hola hiltzeko,
zer kulpa dute gaisoak? (bis)

Txoroarena ez al da izaten
torero baten figura
ta ikustekoa gero izaten da
nere lagunen itxura;
halabeharrez, gu sufritzeko
sortuko ginen mundura;
zezenaren arrangura
bota nahi det hor barrura; (bis)
gaur torturaren oihu ozena
gizonengana heldu da.
Guri egiten diguten hori,
hori ez al da tortura? (bis)

BDB Bertsolaritzaren datu-basea

Bertsos - Ver ficha Más información sobre esta sección