Bertsos - Ver ficha Más información sobre esta sección
1997-11-02 Zarautz Txapelketa [Bertsoa] / Jon Maia
1997-11-02 Zarautz Txapelketa [Bertsoa] / Jon Maia
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Pertsonak beti pairatu ohi du
bizi beldurren morrontza;
aldi batzutan harrotu eta
aldi batzuetan lotsa.
Badakit ondo kontu honekin
zein dan gizarteko hotsa;
barruan mina sentitu arren
egin behar det aitortza:
pozoindurikan dituzu biak,
begirada ta bihotza. (bis)
Mespretxugarri al da ba jaunak
pertsonaren desgrazia?
Nere bizitza hala izan da
ta hau al det merezia?
Ez nuen lehendik begirada hau
horren triste ikusia;
besteen gaitza ta desgrazia
daude ezin irentsia.
Mundu honetan gaitzik haundina
ez al da hipokresia? (bis)
Hor zaude lagun begi zorrotzez
niri begira jarduna;
zure jarrerak ez dit sortuko
nere barrenean trauma.
Izkutukorik ez daukat ezer,
denentzat da ezaguna;
zu zerala-ta ez naiz jarriko
hemen kopeta iluna;
nik berdin-berdin jarraituko det
zuk galdu duzu laguna. (bis)