Bertsos - Ver ficha Más información sobre esta sección
1997-11-02 Zarautz Txapelketa [Bertsoa] / Jokin Sorozabal, Jose Luis Urdangarin
1997-11-02 Zarautz Txapelketa [Bertsoa] / Jokin Sorozabal, Jose Luis Urdangarin
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
Urdangarin
Lehen eginagatik
parranda ta festa,
aspaldi nahi hodia
jarririk trabeska.
Orain zugana nator,
ez hasi parrezka;
buruan badet orain
berriz ere kezka
gaur ezagutu baitet
bihotzeko neska. (bis)
Sorozabal
Lehengo gaia bezela
gazterik ezkondu,
eta zeure bizitza
nahi zenuen landu.
Egoera berriak
orain zuregandu,
nahiz lehengo aberia
txukuntzen lagundu,
hamar urte zahartzea
ezin da konpondu. (bis)
Urdangarin
Medikuak gauza onik
ezin erakutsi,
baina nik nereari
behar diot eutsi;
familia izateko
ez det-eta etsi,
barrabilak ireki
eta gero itxi
ta hortik aurrerakoa
nere kontu utzi. (bis)
Sorozabal
Gauzak adierazteko
bai era xarmanta!
Filosofia dezu
eder ta galanta.
Saiatzeko asmotan
hau da zure planta,
ez dedila izan ez
saiatuan falta,
saiatze hortan ere
disfrutatzen da-ta. (bis)
Urdangarin
Ez alferrik dantzatu
mesedez mingaina.
Zerbait egingo al dezu
neretzako aina?
Kezkatuta dabilkit
orain burugaina,
eta sortu nahi nuke
famili apaina;
heldua sentitzen naiz
berandutxo baina. (bis)
Sorozabal
Noizbait heldu zera ba
ta horri eskerrik,
gaur lortu zenezake
famili ederrik.
Baina ahalegina suerta
liteke alferrik;
gu laguntzeko gaude,
ez da esan beharrik,
medikua naiz baina
ez hori bakarrik. (bis)