Bertsos - Ver ficha Más información sobre esta sección
2005-10-09 Lekunberri (N) Txapelketa [Bertsoa] / Bixente Gorostidi, Xabier Silveira
| Bertsoa entzun |
2005-10-09 Lekunberri (N) Txapelketa [Bertsoa] / Bixente Gorostidi, Xabier Silveira
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
X. Silveira:
Zatoz ttiki etorri
ta eman bi muxu;
ama eta ni pixkat
urduri gauzkazu
eskola oso gogor
egiten baitzaizu;
ba utzi nahi baduzu
utzi dezakezu
bizitzaren eskolan
ikasiko duzu. (bis)
B. Gorostidi:
Bizitzak nahiz bideak
dizkigun argitzen
alabak ikas zezan
hala komeni zen
eta ikusi nahi det
nik hala agintzen.
Aita fundizioan
ni kristal garbitzen
gu baino hobetogo
bizi izan zaitezen. (bis)
X. Silveira:
Amatxo ez al zaizu
guapa iruditzen?
Jo, ba, ez da hain guapa
ez bada isiltzen?
Orain isildu zedin
hori komeni zen
ikasketadun asko
ez al da ibiltzen
lizentziaturarekin
kaleak garbitzen? (bis)
B. Gorostidi:
Lizentziaturarekin
kaleak garbitu
baino hara ta hona
lan bila mugitu;
gure antzera arren
orain ez gelditu
berriz gogoa indartu,
ikasten segitu
eskolak ate asko
zabaltzen baititu. (bis)
X. Silveira:
Ttiki amak diona
hizketa hutsa da
alper-alperrik joanen
zara eskolara.
Adibidez gaur joango
gara bertsotara
han ikusten ez diren
ate asko bada
ta burua zabalik
aterako zara. (bis)
B. Gorostidi:
Zer nolako ideiak
burmuinen tartean
mesedez utzi zazu
alaba pakean!
Segi zazu eskolan
orain jo ta kean
nahiz etsi batzuk hartu
liburu artean
eskertuko diguzu
egunen batean. (bis)