Bertsos - Ver ficha Más información sobre esta sección
2005-11-27 Bera Txapelketa [Bertsoa] / Amets Arzallus, Jon Maia
| Bertsoa entzun |
2005-11-27 Bera Txapelketa [Bertsoa] / Amets Arzallus, Jon Maia
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
A. Arzallus:
Besoetan hartuko
bazintut amultsu
eta sentitu zure
arnas eta pultsu
krabelin hortan eman
nahi nizuke muxu
zure iturri hortan
ze ardo, ze luxu.
Zuk gezur hoiek nundik
atera dituzu?
J. Maia:
Nere ilargi bete
ta nere eguzki
nere goizeko ihintza
nere lagun ezti
nere ohekidea
ta oheko pizti.
Gutun hau zuretzat da
zuretzat da noski
baina eman nahi nizun
sari eta guzti.
A. Arzallus:
Kontxo ze romantiko
pikaro-pikaro
lau urtetan nahiz gaizki
ez dugun igaro.
Orain hunkitu nauzu
hunkitu zeharo
gutuna estimatzen dut
bihotzetik klaro
eta txekea berriz
askozaz gehiago.
J. Maia:
Txekearen kontua
nahi zenuke landu
eta nere guztia
orain zeuregandu
baina azaldu zera
pixka bat berandu;
poesia ez al zaizu
ondo begitandu?
Hori txeke batekin
ezin da ordaindu.
A. Arzallus:
Ez, ez, ez esperantza
ez neukan txeketan
nik neuk ere bihotzez
maite dut benetan.
Lehengoa ziri bat zen
bota dut brometan
zatoz estutu zaite
nere besoetan
zu zara txapelduna
nere lehiaketan.
J. Maia:
Txapelduna naiz baina
ez zuen ematen
orain bide hortatik
nahi al dezu irten?
Baina beste kontu bat
ere badet hemen
folio bati ezin
leku gehiago ken
dena esango dizut
muxu luze baten.