Bertsos - Ver ficha Más información sobre esta sección
2009-11-15 Hendaia Txapelketa [Bertsoa] / Onintza Enbeita, Jon Maia
| Bertsoa entzun |
2009-11-15 Hendaia Txapelketa [Bertsoa] / Onintza Enbeita, Jon Maia
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
On. Enbeita
Nahiz teorian hartzen diogun
ekologiari kargu
gero holako lekuetara
sarri etortzen gara gu
etiketari begitu gabe
eginaz hainbat enkargu
ta orain geure hipokrisia
muturretan lehertu zaigu.
J. Maia
Poltsak eskuan ditugu eta
kopetak zaizkigu belztu
behi ta traktore baserritarrak
kalera dira aurkeztu.
Onintza biak egon behar degu
hori ulertzeko prestu
euren eskuek landu dutena
ez dagola euren esku.
On. Enbeita
Gerria makur ibiltzen dira
neguan eta udetan
produkturen bat sortu gurean
maite dituzten lurretan
ta txakur txiki bat ere ez dago
inoiz euren eskuetan
eta guk ere parte hartzen dugu
injustizia horretan.
J. Maia
Gu ezin gera injustizien
aurretik lasai igaro
nola porruak hala patatak
ederrak dira zeharo
mimoz ereinak mimoz jasoak
ekarri baino lehenago
baina lurretik apaletara
amildegi beltz bat dago.
On. Enbeita
Lotsa sentitzen naiz oso lotsa
ta benetan ez da broma
nondik ekarri duten ez dakit
gure poltsetan dagona.
Amildegia geuk ere estutu
dezakegunez gizona
zin egidazu gaur azkenekoz
etorri garela hona.
J. Maia
Beraz ez degu erosi behar
ez Eroski-n ta ez inun
bestela lurrak etorkizuna
izan baitezake ilun.
Lurrera bota poltsatakoak
ez gaitezen hola jardun
ostegunean azoka dago
ta han erosi dezagun.