Bertsos - Ver ficha Más información sobre esta sección
2005-12-18 Barakaldo Txapelketa 11:00 [Bertsoa] / Sustrai Colina, Unai Iturriaga
| Bertsoa entzun |
2005-12-18 Barakaldo Txapelketa 11:00 [Bertsoa] / Sustrai Colina, Unai Iturriaga
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
U. Iturriaga:
Hau da hau kotxetzarra
hau da hau bainera
GPS ta guzti
daukazu gainera!
ehun ta berrogeian hor
dihoan topera
jakin nahi nuke zelan
joaten dan ehunera. (bis)
S. Colina:
Abildadea duzu
bazterrak nahasteko
somatzen zaitut txuri
umore tristeko
ez dizut deus ulertu
batekoz besteko
esan ote didazu
soldata jeisteko? (bis)
U. Iturriaga:
Nahi duzuna ulertzeko
hain azkar, hain trebe
beti lez sentitzen naiz
ni zure titere;
bale jeitsi zaidazu
egizu mesede
gutxiago kobrauta
bizirik hala ere. (bis)
S. Colina:
Lehen harro zegon baina
hasi da umiltzen
lasai kotxe hau ez da
hain errez amiltzen;
enpresarioak hola
ohi gara ibiltzen
ta enpresariorik
ez da inoiz hiltzen. (bis)
U. Iturriaga:
Ba, gaur hil behar du batek
diot beharbada
ondokoak gutxinez
daraman ikara;
zanpa zazu balazta
hara, hara, hara
hori ertzainen kotxe
kamuflatu bat da. (bis)
S. Colina:
Honi zirtoka ihes
kolpetik mingainak
ustez kantatu dizkit
arrazoi bikainak;
aizu horiek dira
nere bizkarzainak
enpresa berekoak
baitira ertzainak. (bis)
U. Iturriaga:
Orain ere hanka sartu
berriz ere puta!
Parka zaidazu nago
zorabiatuta
botaka egin behar dut
ez da nire kulpa
hara zure audia
proletariatuta. (bis)
S. Colina:
Jeitsi dizkiot martxa
ta gero soldata
ta hala're hor dabil:
puta mierda kaka.
Egin zazu botaka
utzi zazu marka
gaur zu zaude botaka
ta bihar botata. (bis)