BDB Bertsolaritzaren datu-basea

Información general

Kategoria

Bat-batekoa

Actuación

1997-11-21 Ormaiztegi Jaialdia

Conductor/a

Garzia, Joxerra

Mendizabal, Jesus Mari "Bizargorri"

Gai-emailea

Garzia, Joxerra

Bertsolaris / Autores

Xabier "Euzkitze"

Ejercicio

Bakarka gaia-emanda

Tema propuesto

Hire bizitokia festa handia huen orain dela gutxi. Urtero bezala ahaidez, lagunez eta loreez lepo egon duk; orain berriro bakarrik hago, bakardaderik latzenean, datorren urtera arte, heure hilobian.

Descripción

Melodia

Ligoi bizitza ez da izaten

Nombre de la estrofa

Neurri luzekoak

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

1997-11-21 Ormaiztegi Jaialdia [Bertsoa] / Xabier "Euzkitze"

Nombre de la estrofa:  Neurri luzekoak 
Localización:  XDZ - Xenpelar Dokumentazio Zentroa 

---

Hementxe nago ohitura honi
ondo ezin iritzita;
jendea dabil denek heldu nahi
eta ezin iritsita;
nigana inor ez ote zetorren
hemen nengoen etsita.
Bai kanposantu polita! (bis)
Denak burrukan hemen gaur zeinek
politagoa jarrita.
Nik horiek baino nahiago nuke
bihar goizeko bisita. (bis)

Lore bikainak enkargatzeko
bazuten nahiko interes.
Nik bat galduta sumatu dut hor,
nun ote nengoen galdez;
eta ez dago goxotasunik,
lagunik ere batere ez;
hor datza Xabier Perez. (bis)
Eskerrak gero zer zetorkidan
ez nuen nik jakin aurrez!
Bakarrik bego jarri behar luke
goian bego jarri ordez! (bis)

Alde batera ez dio ajola
pentsaturik hotz-hotzean;
bisita ez zait asko inporta,
geratu bitez etxean.
Itxurakeri hutsa da eta
horrek jartzen nau letxean,
sentumenturik ezean. (bis)
Bizi nintzela esaten zuten:
"zu zaitugu bihotzean"
nunbait betiko atera nintzen
herentzia kobratzean. (bis)