BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (7. 2003)

Actuación

2003-11-23 Zarautz Txapelketa

Gai-emailea

Jauregi, Saroi

Bertsolaris / Autores

Gurrutxaga, Iñaki

Ejercicio

Bakarka gaia-emanda

Tema propuesto

Kontzientzia kargak dituzu, Iraken soldadu amerikar edo ingelesak hiltzen dituztela jakitean batere penarik sentitzen ez duzulako. Hiru bertso nahi duzun neurri eta doinuan.

Descripción

Melodia

Neska zaharrak eta apaizak I

Nombre de la estrofa

Neurri berezikoak

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2003-11-23 Zarautz Txapelketa [Bertsoa] / Iñaki Gurrutxaga

Nombre de la estrofa:  Neurri berezikoak 
Localización:  XDZ - Xenpelar Dokumentazio Zentroa 

---

Arma bat hartu eskuetan ta
besteen herrian agintzen
euren bandera serbitzen
soldadu baten hilotzak ez nau
ia batere hunkitzen. (bis)
Ez naiz hasiko kontzientzian
lasaigarriak ipintzen
aspaldi ohartu nintzen
ez nau minduko euren odolak
orain ere ez banau mintzen
beraien tiro bakoitzarekin
herri bat ari da hiltzen. (bis)

Cetmeak eta F-16ak
tanke haundien indarrak
hango suak, hango garrak
asketik oso gutxi daukate
amerikarren izarrak. (bis)
Isiltzen ditut kontzientzian
ari zaizkidan marmarrak
kendu ditzadan makarrak
eta ikusi zer kristo diren
soldadu amerikarrak
askoz gehiago hunkitzen gaitu
irakiarren negarrak. (bis)

Hala're ez naiz jardungo beti
malenkoniaz kantuan
ibili nadin tentuan
beti ezin da haiekin jardun
alperrikako tratuan. (bis)
Soldadu dira, soldadu guztiz
zeru ta firmamentuan
eta euren talentuan
guztiek jakin behar lukete
eta eduki kontuan
heriotzea presente dela
beraien lan kontratuan. (bis)