Bertsos - Ver ficha Más información sobre esta sección
1990-12-23 Bilbo Txapelketa [Bertsoa] / Xabier Arriaga "Txiplas"
1990-12-23 Bilbo Txapelketa [Bertsoa] / Xabier Arriaga "Txiplas"
Nombre de la estrofa:
Neurri luzekoak
Localización:
XDZ - Xenpelar Dokumentazio Zentroa
Derrigorrean joan behar zala
hori gendun aldarria
erdi negarrez eta oihuka
han zan nere eztarria
gainera kontra agertzen bait zan
euskaldunon oinarria
hortaz pentsatzen jarria
orain hain une larria (bir)
hola ikusita betirako be
ixilik nere irria
baina horretaz ez da ahaztuko
kuadrila eta hernia (bir)
Nahi ez ta ere hartu behar zuen
ta egin harako dema
mundu honetan bazegolako
hainbat ta hainbat problema
joan orduan itzalia zan
nik nedukan zoramena
hura negarra ta pena
amaitua gendun dena (bir)
baina itzulera izan genduen
penatsu ta nabarmena
modu horretan heldu beharra
hori izan gendun txarrena (bir)
Hotzikeratan jarria neukan
azala edo larrua
zotinka eta taupada hotsean
gainera neure barrua
joan orduko be izan nuen
horrexen zurrumurrua
baina hau da amorrua
egoera deabrua (bir)
niretzat da gaur neurri hortako
gaitz eta deskalabrua
kapitalisten sistema honek
dauka guztien errua (bir)