BDB Bertsolaritzaren datu-basea

Información general

Kategoria

Bat-batekoa

Actuación

2001-02-04 Urruña Jaialdia

Conductor/a

Soubelet, Xabier

Bertsolaris / Autores

Arozena, Estitxu

Arzallus, Amets

Ejercicio

Binaka gaia-emanda

Tema propuesto

Estitxu, etxeko alabatxoa zaitugu, eta supazterrean aspalditik zintzilik dagoen amatxiren burruntzalia begiratzen ari zara. Beraz, Estitxu, zu alabatxoa, eta Amets burruntzalia.

Descripción

Melodia

Aita asmo hartu det

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2001-02-04 Urruña Jaialdia [Bertsoa] / Estitxu Arozena, Amets Arzallus

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

E. Arozena:
Burruntzalia hor da
oraintxe zintzilik,
begirada txiki bat
bota dut hemendik.
Ttikitatik ikasi
nahi nun sukaldetik,
baina orain ez zaigu
komeni holakorik. (bis)

A. Arzallus:
Sukalderako zira
sobera alferra
eta gogoko duzu
ximini bazterra.
Gaina borobila du,
kirtena okerra...
Ihauterietarako
kapelu ederra! (bis)

E. Arozena:
Nola iritsi zara
Inauteritara?
Orain ezin dut egin
hemendik algara.
Sutondoan pasatzen
duzu zuk bolada,
odolkiak bezala
beltzatuko zara! (bis)

A. Arzallus:
Nik odolki konturik
ez nuke nahi hemen;
utzi ezazu bazter,
amen eta amen!
Baina buruan jarriz
ai, zenbat ahalmen,
buru ttikiagoa
baldin bazinuen! (bis)

E. Arozena:
Nere buruarekin
hasi jolasean,
baina sutan jartzen naiz
eztabaidatzean
zu hola ikusita
harro mintzatzean.
Ze ba isiltzen zara
amona etortzean? (bis)

A. Arzallus:
Burruntzalia hartuz
amatxi gogoan,
gaixtakeritan zinen
harturik susmoan.
Baina normala dela
deritzot gaurkoan,
sutan jartzen bazira
ximini ondoan. (bis)