Bertsos - Voir fiche Pour savoir plus sur cette section
2005-05-07 Tolosa Jaialdia [Bertsoa] / Amaia Agirre, Anjel Mari Peñagarikano
| Bertsoa entzun |
2005-05-07 Tolosa Jaialdia [Bertsoa] / Amaia Agirre, Anjel Mari Peñagarikano
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
A.M. Peñagarikano:
Euskaraz bizi zera
egun eta gabaz
eta zurekin beti
harro nago arras.
Gaztea edozertako
beti baita kapaz
ikasiko duzu bai
belaxe erdaraz. (bis)
A. Agirre:
Nabil español hori
ezin ikasita
ta aldamenekoak
ezin sinetsita;
gelakoek naukate
aspaldi etsita:
"Kaxera!" zergatik naiz
kalean bizita? (bis)
A.M. Peñagarikano:
Baina emaitza onak
badauzkazu bapo;
zurekin pozik nago
lista zeralako.
Ez dakizu erderaz
hori al da kako?
Ikasiko dezu bai
hamar urterako! (bis)
A. Agirre:
Hamar urteak dauzkat
ondo kunplituta.
Etxeko egoera
ez daukat ahaztuta;
zu ere berdin zabiltz
ez zazula uka
Iñaki Perurena
ematen dezu-ta! (bis)
A.M. Peñagarikano:
Iñakin antzekorik
hemen ez da nunahi
Iñaki ez naiz baina
nik izatea nahi.
Zurea ez da drama
egon zaitez lasai:
jakingo dezu erderaz
inglesez ere bai. (bis)
A. Agirre:
Ikasteko nahiz izan
hainbeste interes
saiatu arren beti
jardun naiz aldrebes.
Nahiz ta hori esan dezun
atta oso errez
erderaz baino hobeto
dakit nik inglesez. (bis)
A.M. Peñagarikano:
Orain bide hortatik
ez zaitez atera
esplikatuko dizut
gutxi gorabehera:
haiena da erdera
gurea euskera;
zapaltzaileen hizkuntza
hori da erdera. (bis)
A. Agirre:
Euskaldunon gainean
horrenbeste mito!
"Zapaltzaileak dira"
esan eta kito.
Goazen Andaluzira
urte bat piko;
zuri ere ez zaizu
gaizki etorriko! (bis)
A.M. Peñagarikano:
Zer espero dezaket
alabarengandik?
Orain hori bota dit
ta barren-barrendik;
Andaluzira joan
behar al det hemendik?
Ala tu mare esaten
nik badakit lehendik! (bis)
A. Agirre:
Aholku exkaxekin
segi eta segi!
Behingoz jarri geranez
aurpegiz aurpegi
zatoz sofa ondora
nerekin eseri;
kendu Goenkale ta
jarri ETB bi. (bis)