2007-10-19 Durango Jaialdia [Bertsoa] / Jexux Mari Irazu Muñoa, Unai Iturriaga, Maialen Lujanbio, Xabi Paya

Gauza bera esateko modu asko daude. Maialen, esan zer den larrua jotzea; Xabi, maitasuna egitea; Unai, hartu-eman sexualak edukitzea; Jexux Mari, horietan zein gustatzen zaizun gehien.

Description

Air

Anai-arrebak hementxe nator

Nom de la strophe

Zortziko handia (hg) / Lau puntuko handia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2007-10-19 Durango Jaialdia [Bertsoa] / Jexux Mari Irazu Muñoa, Unai Iturriaga, Maialen Lujanbio, Xabi Paya

Nom de la strophe: Zortziko handia (hg) / Lau puntuko handia (ip)
Localisation: XDZ - Xenpelar Dokumentazio Zentroa

M. Lujanbio: Larrua jotzea ze ote dan
ta hainbeste jende begira
ejenplu batez azalduko det
pandero baten harira:
behatza tente jartzen da eta
ahal dala gogor jo tira
ta jo ezkero ondo jo ezkero (bis)
kriskitinak aitzen dira.

X. Paya: Amodioa egitea da
mutilzarraren desira
neska bat hartu eta eroan
bere gelaren erdira.
Baina zer nabil hauxe esaten?
Ze luzamendu! Ai tira!
Narru jotea lakoa da baina (bis)
"Maite zaitut" esan bi da.

U. Iturriaga: Hartu emonak bi behar dauz behintzat
ez dago esan beharrik
ta egiten dabe sarri dauzenak
gaba ilunean itxarrik;
Durangon badau leku egoki bat
ez eben egin alperrik
banku batera joatea lez da (bis)
transferentzia bat bakarrik.

J.M. Irazu: Ta hiruretatik nik zein hautatu
esan behar det banan-bana;
egia esan larru jotzea
gehien gustatzen zaidana;
maitasunakin ez dago gaizki
kandela arteko plana
eta ahal dala izan ditzala (bis)
hartua eta emana.

BDB Bertsolaritzaren datu-basea

Bertsos - Voir fiche Pour savoir plus sur cette section