BDB Bertsolaritzaren datu-basea

Information genérale

Kategoria

Bat-batekoa

Représentación

2010-02-21 Usurbil Jaialdia

Gai-emailea

Usarralde, Inaxio

Bertsolaris / Auteurs

Agirreazaldegi, Ainhoa

Amuriza, Miren

Arzallus, Amets

Egaña, Andoni

Exercice

Launaka gaia-emanda

Sujet proposé

Duela urtebete jarri zuten martxan Usurbilen atez ateko zabor bilketa sistema, errausketari aurre egite aldera. Urtebete igaro da, eta datorren igandean horren gaineko herri galdeketa egingo da, sistema honekin jarraitu edo lehengora bueltatu erabakitzeko. Kanpotik nola ikusi gaituzue usurbildarrok?

Description

Air

Zazpi ahizparen gai den oihala

Nom de la strophe

Zortziko handia (hg) / Lau puntuko handia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2010-02-21 Usurbil Jaialdia [Bertsoa] / Ainhoa Agirreazaldegi, Miren Amuriza, Amets Arzallus, Andoni Egaña

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 

---

A. Agirreazaldegi:

Behar zenituzten azterketak
ondo eginikan aurrez
ipinitako espektatibak
gaindituak dira errez
kanpotarrontzat eredugarri
izan da Usurbil berez
zeuentzako nahi ez duzuena
Zubietantzat ere ez.


A. Arzallus:

Gaur urtebete beiratzen nuen
nik ezjakintasun haundiz
behin martxan jarri zenutenean
umorez eta pikardiz
lehen datuak entzundakoan
harrotasun finez, egiz
ta urtebete pasa ta gero
begiratzen det inbidiz.


A. Egaña:

Nik pentsatzen det zuen sistema
urrats bat dala nabarmen
ta herri kontsulta bigarrengoa
lehenengoaren ondoren.
Nik teknikoki ezer ez dakit
garbi aitortzen det hemen.
Hala’re senak erakusten dit
arrazoia zeinek duen.


M. Amuriza:

Herri kontsultan aztertu behar
litzake ondo atzea
bazter batean jarri beharko
duzue orain gurutzea.
Galdetu gabe nahi duten hoiei
erraustegia jartzea
ez litzaieke gaizki etorriko
ideiak birziklatzea.


A. Agirreazaldegi:

Etxez etxeko bilketa beraz
arrakastatsu da jada
geure buruan erantzuleak
izan’e geroni gara.
Kontsultan hori ateratzea
nik hala nahi nuke hara
urrats on oro zabaltzen baita
inguruko herritara.


A. Arzallus:

Ea gerora ere zabaltzen den
zabaldu den gisan aurten
bizitza ez baita gurea soilik
baizik geroko iraupen
ta gu ohituta gaudenak oso
gora ezetz erantzuten
eskerrik asko erakustearren
ze mundu nahiko genukeen.


A. Egaña:

Atez ateko sistemarekin
joan dan urtean barrena
baina badakit beste iritzi
desberdinen bat badena.
Holakoetan herri kontsulta
irtenbide zintzoena
agintariek gai askorekin
egin behar luketena.


M. Amuriza:

Herri kontsulta gai guztietan
egiterik gaur balego
gauzak horrela egon beharra
ezin genuke espero.
Zaborra bildu gura duzue
egunero-egunero
edozein gauza konpontzen baita
garbi jokatu ezkero.