Bertsos - Voir fiche Pour savoir plus sur cette section
1996-06-28 Lasarte-Oria Jaialdia [Bertsoa] / Andoni Egaña, Patxi Etxeberria, Sebastian Lizaso, Maialen Lujanbio, Pablo Suberbiola, Xabier "Euzkitze"
| Bertsoa entzun |
1996-06-28 Lasarte-Oria Jaialdia [Bertsoa] / Andoni Egaña, Patxi Etxeberria, Sebastian Lizaso, Maialen Lujanbio, Pablo Suberbiola, Xabier "Euzkitze"
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Euzkitze:
Pelotazale itsua naiz bai,
gainera hortan dut lana;
bost entenditu ditut atzean,
denentzat galdera bana.
Pelotazale baldin bazera
Suberbiola laztana,
esazu zein den eskuz banaka
txapelik gehien dauzkana. (bis)
Suberbiola:
Nik erantzuna ez det pentsatu
egia esan luzaro;
nei egin didan galderarekin
benetan gustora nago.
Retegi hortaz ez oroitzea
litzake nahiko arraro.
Hoi jakiteko pelotazale
izan beharrik ez dago. (bis)
Euzkitze:
Mutil argia degu Pablo hau,
holakoik ba ote inun?
Ondoren Patxi hartu behar det
elkarrizketako lagun.
Zaharra zera ta seguru asko
zeuk ezagutuko zendun,
ba al dakizu urterik gehien
nork egin zitun txapeldun? (bis)
P.Etxeberria:
Honek badaki argi ta garbi
hemen zein dagon zaharrena,
urte askotan ibili bainaiz
Euskal Herrian barrena.
Berihalaxe berria garbi
emango dizut horrena:
oker ez banaiz hemen izan da
Atano hirugarrena. (bis)
Euzkitze:
Andoni Egaña ibili ohi da
majinatxo bat lekutan,
baina ni beti ezin ibili
eskuarekin disputan.
Aizu, Andoni, ia zugandik
erantzuna entzuten dutan,
gaur egun zeintzuk dira munduko
txapeldunak zesta puntan? (bis)
Egaña:
Hara noraino iritsi diran
Euzkitzeren afanak;
zesta puntakin atera ditu
ni izorratzeko planak.
Arabarren bat bada tartean,
bizkaitarrak beste danak
eta txapeldun izango dira
punta-puntan dabiltzanak. (bis)
Euzkitze:
Zerbaitegatik da txapelduna,
arrazoi hona benetan!
Ia zugandik ere Maialen
gauzonik entzuten detan.
Gaur egun neskek parte hartzen dute
munduko txapelketetan
bainan mesedez esan zaiguzu
zein espezialitatetan. (bis)
Lujanbio:
Neroni ere aritzen nintzan.
nahi baldin badezu jakin,
nahiz harremanik ez dedan euki
munduko txapelketekin.
Neskek benetan jokatzen dute
trinketean ta gomakin
baina ETBk oraindik ez du
retrasmisiorik egin. (bis)
Euzkitze:
Gaizki zabiltza guk iaz eman
gendun partidu mordua.
Salto eginda iritsi zaigu
Xebaxtianen ordua.
Pelotazale haundia zera,
gainera entendidua,
esazu Eugik zein ote duen
seigarren apellidua. (bis)
S.Lizaso:
Seigarrengoa nolatan jakin,
ez baitakizkit nik hiru
baina Eugiri begira pasa
bostehun bat ordu inguru.
Hutsegiten bat egiten badu
maldizioa helburu.
Zein den ez dakit baina zeruan
dagon santun bat seguru. (bis)
Euzkitze:
Galdera onak, erantzun onak,
testigu zuek zerate;
baina galdezka ezin segitu
goizeko ordubik jo arte.
Nere atzeko bostek pelotaz
ez dakite ia bate,
halere bostek, Maialen barne,
pelota latzak dauzkate. (bis)