Bertsos - Voir fiche   Pour savoir plus sur cette section

2011-09-08 Zizurkil Jaialdia [Bertsoa] / Amets Arzallus, Maialen Lujanbio, Xabier Silveira

Bertsoa entzun  

Information genérale

Kategoria
Bat-batekoa
Représentación
2011-09-08 Zizurkil Jaialdia
Conducteur/trice
Agirre, Amaia
Bertsolaris / Auteurs
Arzallus, Amets
Lujanbio, Maialen
Silveira, Xabier
Exercice
Hirunaka gaia-emanda
Sujet proposé
Aurten bete dira 30 urte herriko seme Joxe Arregi torturatu eta hil zutela. Gauza jakina eta egiaztatuta dagoen kontua da tortura prozesu horretan 73 poliziak parte hartu zutela, baina kondenatuak, nolabait kondena esateagatik, bi bakarrik izan ziren. Baina kondena ere presioari prezioa jartzeko besterik ez zen izan, gerora poliziak goi mailako izatera iritsi zirelako. Horrelako albisteak entzuten dituzuenean, zer mugitzen zaizue barruan, edo zer etortzen zaizue burura?

Description

Air
Beti penetan beti penetan
Nom de la strophe
Zortziko handia (hg) / Lau puntuko handia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Bapatean Bilduma

2011-09-08 Zizurkil Jaialdia [Bertsoa] / Amets Arzallus, Maialen Lujanbio, Xabier Silveira

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 

A. Arzallus:
Ez dakit zenbat polizi ziren
euren buruaren jabe
derrigorrean kolpatu eta
egin behar zioten galde.
Egia esan nik entzuten dut
barrurik mugitu gabe
ta okerrena hori bera da
anestesiatuta gaude.

M. Lujanbio:
Hogeita hamar urte luzeetan
holakorik gehio bazen
urterik urte joaten gera
jakiten ta enteratzen.
Igual barrurik mugitu gabe
anestesiatuta ezen
historia ahaztu egiten zaigu
baina hola ez da sendatzen.

X. Silveira:
Anestesiaren pean orduan
Joxe zenari bertsotan
malaostia ez dakit hilik
dugun baina dago lotan.
Sarri askotan egon izan naiz
ni neronirekin bronkan
kanpo itxurak agintzen baitu
gure garai berriotan.

A. Arzallus:
Hogeita hamar urte pentsatu
zein errexa den esaten
ta hildakoak hanka-sartzeak
baino ez dira izaten
zeren tortura sistemak berak
onartzen du azken baten
orain berdina egiten dute
britainiarrek Iraken.

M. Lujanbio:
Bortxaketa ta tortura hotsa
entzuten da edonondik
egin lezake boterearen
hainbat marioneta zonbik.
Nere buruak galdetzen duna
gauden garaian egonik
horrenbeste min duen lurretik
sortuko den ezer onik

X. Silveira:
Galdera batzuk hoberena da
ez badira erantzuten
kanpokoari zer esan gure
baitan ez badugu entzuten?
Urrutikoak mintzen gaitu ta
etxekoari ez diogu eusten.
Oraindik esan beharko dugu
"Joxe alferrik hil zuten".